اهم معاشي اهڃاڻ هاڪاري آهن، خسارن تي ضابطو آندو ويو آهي: ناڻي وارو وفاقي وزير سينيٽر محمد اورنگزيب

اسلام آباد-05 ڊسمبر (اي پي پي) ناڻي ۽ محصولن واري وفاقي وزير سينيٽر محمد اورنگزيب چيو آهي ته معاشي سڌارن جو تسلسل جاري رهندو، اهم معاشي اهڃاڻ هاڪاري آهن، خسارن ??ي ضابطو آندو ويو آهي، حڪومت ملڪ ۾ ڪاروبار ۽ سيڙپڪاري ۾ تيزي آڻڻ ۾ قدم کڻي رهي آهي. گذريل ڏينهن هتي سيڪيورٽ??ز اينڊ ايڪسچينج ڪميشن آف پاڪستان جي انتظام هيٺ اي ايس جي سسٽين پاڪستان جي پهرين پائيداريت تي ٻڌل آن لائن پليٽ فارم جي لانچنگ تقريب کي خطاب ڪندي ناڻي واري وزير سيڪيورٽ??ز اينڊ ايڪسچينج ڪميشن آف پاڪستان جي ڊجيٽلائيزيشن ۽ ڊيٽا شيئرنگ کي هٿي ڏيڻ لاءِ ڪوششن کي ساراهيو ۽ چيو ته ڊجيٽل چئلينجز ۽ موقعا ئي مستقبل جو رستو آهن جيڪي شفافيت ۽ جوابدهي جي ڪلچر کي هٿي ڏيڻ ۾ مددگار ثابت ٿيندا. اي ايس جي پليٽ فارم جو مقصد ڪمپنين ۽ ادارن کي پنهنجي ڪاميابي جي ڪهاڻين ۽ بهترين طرز عمل شيئر ڪرڻ جي حوصلا افزائي ڪرڻ آهي. هي قدم هڪ اهڙو برابر ميدان فراهم ڪندو جتي سمورا ادارا چاهي انهن جو ڳاڻيٽو ڪجهه به هجي، پنهنجي ڪاميابين کي اجاگر ڪري سگهندا ۽ هڪٻئي کان سکي سگهندا. ناڻي واري وزير چيو ته حڪومت معاشي ميدان ۾ اهم اڳڀرائي ڪئي آهي، اهم معاشي اهڃاڻ هاڪاري آهن، خسارن ??ي ضابطو آندو ويو آهي، مٽاسٽا واري ناڻي ۽ روانگي واپار ۾ اضافو ٿي رهيو آهي، مهانگائي ۾ گهٽتائي اچي رهي آهي، وياج جي شرح ۾ گهٽتائي سان صنعتن کي فائدو پهچي رهيو آهي. هن چيو ته معاشي استحڪام کانپوءِ اوسر جي سفر ۾ تيزي آڻڻ لاءِ جيڪي به ادارا اسان سان سهڪار ڪري رهيا آهن انهن جا ٿورائتا آهيون. هن چيو ته ڪاپ -29 جي موقعي تي پاڪستان ماحولياتي تبديلين کي منهن ڏيڻ لاءِ مالياتي حڪمت عملي جي شروعات ڪئي آهي. ماحوليات، موسمياتي تبديلين جو اهم حصو آهي، جامع اقتصادي شموليت ۽ اوسر ۾ ان جي اهميت مڃيل آهي. هن ملڪ جي ٻن اهم ترين مسئلن جن ۾ آبادي ۾ اضافي ۽ ماحولياتي تبديليون شامل آهن، جي حل جي ضرورت تي پڻ زور ڀريو. ناڻي واري وزير چيو ته معاشري جي سمورن طبقن کي اقتصادي مرڪزي ڌارا ۾ آڻڻ ضروري آهي، پاڪستان جي معيشت ۾ هر هڪ کي پنهنجو هاڪاري ڪردار ادا ڪرڻو پوندو. صنفي برابري قومي اقتصادي منظرنامي ۾ اهميت جوڳي آهي. افرادي قوت ۾ عورتن جي شموليت ۾ اضافي لاءِ قدم ضروري آهن. حڪومت ان ح??الي سان پنهنجو ڪردار ادا ڪري رهي آهي. ان سان گڏوگڏ نجي شعبي کي به پنهنجو هاڪاري ۽ تعميري ڪردار ادا ڪرڻو پوندو. هن چيو ته معاشي ترقي ۽ اوسر ۾ نجي شعبي جو ڪردار اهميت وارو آهي. حڪومت پاليسي فريم ورڪ ۽ پاليسين جي تسلسل کي يقيني بڻائيندي، تنهن هوندي به ترقي جي انجڻ جو ڪردار نجي شعبي کي ادا ڪرڻو آهي. حڪومت ملڪ ۾ ڪاروبار ۽ سيڙپڪاري ۾ تيزي آڻڻ لاءِ قدم کڻي رهي آهي. پرڏيهي سيڙپڪارن کي مڪمل سهولتون فراهم ڪيون وينديون. هن چيو ته معاشي سڌارن جو تسلسل جاري رهندو. سرڪاري ملڪيتي ادارن جو روزاني جو خسارو 2.2 ارب روپيا آهي، گذريل 10 سالن ۾ ايس او ايز جو خسارو 6 ٽ??يل??ن روپيا رهيو آهي. حڪومت نجڪاري جي پروگرام تي عمل ڪري رهي آهي ۽ ان عمل کي شفافيت سان اڳتي وڌايو پيو وڃي.

مضمون کا ماخذ : پاور بال کے نمبر

متعلقہ مضامین