صدر مملکت ڈاکٹرعارف علوی دا وزیراعظم اتے قائد حزب اختلاف کوں نگراں وزیر اعظم کیتے موزوں شخص تجویز کرݨ کیتے خط

اسلام آباد۔4اپریل (اے پی پی):صدر مملکت ڈاکٹر عارف علوی 3 اپریل کوں قومی اسمبلی دی تحلیل دے پیش نظر آئین دے آرٹیکل 224 (1) اے دے تحت نگراں وزیر اعظم دی تقرری کیتے موزوں شخص تجویز کرݨ کیتے وزیر اعظم عمران احمد خان نیازی اتے سبکدوش تھیوݨ آلی قومی اسمبلی اچ قائد حزب اختلاف میاں محمد شہباز شریف کوں خط لکھیے ۔سنوار کوں ایوانِ صدر دے پریس ونگ توں جاری بیان موجب صدر مملکت اپݨِے خط اچ ݙوہیں راہنماواں کوں ݙسائےجے قومی اسمبلی دی تحلیل دے ترائے ݙینھ دے اندر وزیراعظم تے سبکدوش تھیوݨ آلی قومی اسمبلی اچ قائد حزب اختلاف کہیں بندے کوں نگران وزیراعظم بݨاوݨ تے متفق نہ تھیون اں ݙو ݙو ناں سپیکر قومی اسمبلی دی تشکیل کیتی ڳئی کمیٹی کوں بھیڄݨے ہوسن جیں دی تشکیل سپیکر قومی اسمبلی فوری طور تے کریسن ، سپیکر دی تشکیل کردہ کمیٹی دے کل اٹھ ممبران ہوسن جیڑھے جو سبکدوش تھیوݨ آلی قومی اسمبلی یا سینیٹ یا ݙوہیں دے ارکان تے مشتمل ہوسن ، کمیٹی اچ حکومت اتے اپوزیشن کوں ھکو سویں نمائندگی حاصل ہوسی۔ خط دے مطابق آئین دے آرٹیکل224 (1) اےدے تحت کمیٹی دے ممبران دی نامزدگی وزیر اعظم اتے قائد حزب اختلاف کریسن ۔ صدر ڈاکٹر عارف علوی آپݨے خط اچ مزید لکھیے جو وزیراعظم عمران احمد خان نیازی آئین دے آرٹیکل 224 (4) اےدے تحت نگراں وزیراعظم دی تقرری تئیں وزارت عظمیٰ دے عہدے تے فائز رہسن ۔ اے ڳال قابل ذکر اے جو آئین پاکستان دا آرٹیکل224 (1) اے صدر مملکت کوں وزیر اعظم اتے قائد حزب اختلاف دی مشاورت نال نگران وزیراعظم دی تقرری دا اختیار ݙیندے۔

مضمون کا ماخذ : کنگ کانگ روش

متعلقہ مضامین