یوٹیلٹی سٹورز تے اٹے، کھنݙ، گھیو/ خوردنی تیل، دالاں اتے چاول سستے ݙتے ونڄن، وزیرِ اعظم دی اڳواݨی اچ اجلاس اچ فیصلہ

اسلام آباد۔20جون(اے پی پی)وزیرِ اعظم محمد شہباز شریف آکھیے جو حکومت غریب اتے ہیٹھلے طبقہ کوں ودھ ریلیف ݙیوݨ دا فیصلہ کیتے، 5 بنیادی اشیاء ضروریہ آندے مالی سال کیتے ڳھٹ ملھ تے ݙتے ویسن، اے رعایت یوٹیلٹی سٹورز تے پورے اچ ݙتی ویسی۔ اے ڳالھ انہاں اسلام آباد اچ اپݨی اڳواݨی اچ تھیوݨ آلے یوٹیلٹی اسٹورز بارے اعلی سطح اجلاس نال خطاب اچ آکھی۔ اجلاس اچ وفاقی وزراء مفتاح اسماعیل، مخدوم مرتضی محمود اتے متعلقہ اعلیٰ افسران شرکت کیتی۔ وزیرِ اعظم کراچی اچ یوٹیلٹی سٹورز دا نیٹ ورک ودھاوݨ دی وی منظوری ݙیندے آکھیا جو لوکاں کوں ہر ممکن ریلیف ݙتا ویسی اے کراچی دے لوکاں دا وی حق اے، کراچی اچ یوٹیلٹی سٹورز ودھاوݨ دا جامع منصوبہ ݙو ہفتے اچ پیش کیتا ونڄے جو پسماندہ طبقے کوں اڄ ودھ ریلیف دی لوڑھ اے، ایں سانڳے حکومت لوکاں دا پورا ہتھ ونݙیسی اتے پسماندہ طبقے کوں ضرورت دیاں شئیں سستیاں ݙیوݨ ساݙی ترجیح اے۔

مضمون کا ماخذ : گولڈ رش

متعلقہ مضامین