نگران وزیراعظم انوارالحق کاکڑدی کراچی الیکٹرک کوں پیش آندے مسئلے ترجیحی بنیاداں تے حل کرݨ دی ہدایت

اسلام آباد۔16فروری(اے پی پی) نگران وزیرِاعظم انوار الحق کاکڑ کراچی الیکٹرک کوں پیش آندے مسئلے ترجیحی بنیاداں تے حل کرݨ دی ہدایت کریندے ہوئیں آکھیے جو نگران حکومت اپݨی گھٹ مدت اچ معاشی استحکام سانڳے وݙے دیرینہ مسئلے حل کیتن ، ملک اچ ٻاہرلی سرمایہ کاری سانڳے بین الاقوامی سرمایہ کاراں تے کاروباری برادری کوں ساریاں سہولتاں ݙیوݨ اولین ترجیح اے ۔ وزیراعظم آفس دے میڈیا ونگ توں جاری بیان موجب اے ڳالھ انہاں کراچی الیکٹرک دے مختلف امور متعلق جائزہ اجلاس دی صدارت کریندے ہوئیں آکھی ۔ اجلاس اچ وفاقی وزیرِ توانائی محمد علی، متعلقہ اعلیٰ حکام اتے کے الیکٹرک دے چیف ایگزیکٹو افسر شرکت کیتی۔ کراچی الیکٹرک دے وفد وزیراعظم اتے انہاں دی ٹیم دا کراچی الیکٹرک داپراݨا مسئلہ حل کرݨ تے اظہار تشکر کیتے۔ وزیراعظم ہدایت کیتی جو کراچی الیکٹرک کوں پیش آندے باقی ماندہ مسئلیں دا وی ترجیحی بنیاداں تے حل کڈھیا ونڄے۔ انہاں آکھیے جو نگران حکومت اپݨی گھٹ مدت اچ ملک کوں معاشی استحکام دے پاسے ٹورݨ سانڳے وݙے مسئلے حل کیتن ۔ انہاں آکھیے جو ملک اچ ٻاہرلی سرمایہ کاری سانڳے بین الاقوامی سرمایہ کاراں اتے کاروباری برادری کوں ساریاں سہولتاں ݙیوݨ حکومت دی اولین ترجیح اے ۔

مضمون کا ماخذ : پاور بال لاٹری

متعلقہ مضامین