سکیورٹی فورسز دے ݙو مختلف آپریشن، انتہائی مطلوب دہشت گرد حضرت زمان سودھے 6 دہشت گرد ماریے ڳئن ، فائرنگ دے تبادلے اچ پاک فوج دے 3 جوان شہید تھی ڳئن ، آئی ایس پی آر

راولپنڈی۔19اکتوبر(اے پی پی) سکیورٹی فورسز دے ݙو مختلف آپریشن، انتہائی مطلوب دہشت گرد حضرت زم??ن سودھے 6 دہشت گرد ماریے ڳئن ، فائرنگ دے تبادلے اچ پاک فوج دے 3 جوان شہید تھی ڳئن ۔ آئی ایس پی آر موجب 18 تے 19 اکتوبر دی وچلی رات جنوبی وزیرستان دے علاقے گریوم اچ دہشت گرداں دے خلاف آپریشن کیتا ڳئے ۔ پاک فوج دے جواناں دہشت گرداں دے ٹھکاݨے کوں نشانہ بݨائے جیں دے نتیجے اچ 6 دہشت گرد جہنم واصل تھی ڳئن۔ دہشت گرد حضرت زم??ن دہشتگردی دی مختلف کارروائیاں اچ براہ راست ملوث ??ئی ۔ فائرنگ دے تبادلے اچ پاک فوج دے لانس نائیک تبسم ال??ق ، سپاہی نعیم اختر شہید تھی ڳئن۔ فائرنگ دے تبادلے دا ݙوجھا واقعہ جنوبی وزیرستان دے علاقے آسمان منزہ دے علاقے اچ پیش آئے۔ جیں اچ پاک فوج دا سپاہی فرمان علی شہید تھی ڳئے ۔ ٻئے دہشتگرداں کوں مکاوݨ کیتے علاقے اچ کلیئرنس آپریشن جاری اے ۔ آئی ایس پی آر آکھیے پاکستان دی سیکیورٹی فورسز ملک توں دہشت گردی دی لعنت کوں مکاوݨ سانڳے پرعزم اے تے ساݙے بہادر نینگراں دیاں ایجھیاں قربانیاں ساݙے عزم کوں مزید تکڑا کریندن۔