پاکستان اتے برطانیہ دا افغانستان سودھا خطے اچ امن کیتے رل تے کوششاں جاری رکھݨ تے اتفاق، افغانستان کوں کلہا نہ چھڑیسوں، پاک برطانیہ وزرا خارجہ دی مشترکہ پریس کانفرنس

APP41-030921ISLAMABAD: September 03 - Foreign Minister Makhdoom Shah Mahmood Qureshi and Secretary of State for Foreign Commonwealth and Development Affairs of the United Kingdom Rt. Hon. Dominic Raab holding a joint press stakeout at Ministry of Foreign Affairs. APP

اسلام آباد۔3ستمبر(اے پی پی)پاکستان اتے برطانیہ ݙو طرفہ تعلقات، مختلف شعبیاں اچ تعاون ودھاݨ اتے افغانستان سودھا خطے اچ امن کیتے رل تے کوششاں جاری رکھݨ تے اتفاق کیتے۔ وزیر خارجہ شاہ محمود قریشی آکھیے جو ساݙا افغانستان اچ کوئی پسندیدہ نئیں، افغانستان اچ مربوط نظام حکومت دے حامی ہیں، صرف عوامی حمایت آلی حکومت دے نال تھیسوں۔ برطانوی وزیر خارجہ ڈومینک راب امید کیتی اے جو طالبان افغانستان اچ امن و استحکام ڳھن آسن، برطانیہ افغانستان دی انسانی ہمدردی سانڳے جاری رکھسی۔ اے ڳالھ ݙوہاں وزرا خارجہ اسلام آباد اچ ملاقات توں بعد کٹھی پریس کانفرنس کریندے آکھی۔ وزیر خارجہ شاہ محمود قریشی آکھیے جو ساݙی افغانستان دی تازہ صورتحال اتے ݙو طرفہ تعاون تے ڳالھ تھئی اے، ساݙا اتفاق اے جیکر ایں ویلھے افغانستان کوں کلہا چھوڑیا ڳیا تاں خانہ جنگی ولا کھنݙ سڳدی اے، برطانیہ اتے پاکستان ݙوہیں اے چاہندن جو افغانستان اچ امن آوے۔ برطانوی وزیر خارجہ آکھیا جو کشمیر دے معاملے تے ساݙا موقف واضح اے، انسانی حقوق دی خلاف ورزی تے برطانیہ چپ نہ ٻاھسی، اساں پاکستان نال آپݨے تعلقات ٻئے تکڑے کرݨ چاہندے ہیں۔ انہاں آکھیا جو افغانستان دی انسانی ہمدردی سانڳے امداد جاری رکھیسوں، طالبان کوں براہ راست فنڈنگ نہ کریسوں بھل امدادی ایجنسیز، فلاحی تنظیماں اتے ہمسایہ ملکاں نال رل تے امدادی کم کیتے ویسن، ایں سانڳے افغانستان دے ہمسایہ ملکاں کوں جان بچاوݨ آلیاں دوایاں کیتے 30 ملین پاؤنڈ ݙیندے پئے ہیں، ریڈ لسٹ دے معاملے تے معاون خصوصی صحت ڈاکٹر فیصل تیکھے برطانیہ اچ محکمہ صحت دے حکام نال ملسن۔

مضمون کا ماخذ : sorteos da loteria

متعلقہ مضامین