وزیر اعلیٰ چودھری پرویز الٰہی دا جام پور کوں ضلع ٻݨاوݨ دا اعلان

اسلام آباد۔30دسمبر(اے پی پی) وزیراعلیٰ چودھری پرویزالٰہی جام پور کوں ضلع ٻݨاوݨ دا اعلان کر ݙتے۔ داجل اتے محمد پور کوں ضلع جام پور دیاں تحصیلاں ٻݨایا ویسی۔ اے فیصلہ انہاں لاہور اچ اچ اجلاس دی اڳواݨی کریندے کیتے۔ اجلاس اچ صوبائی وزیر راجہ بشارت، رکن قومی اسمبلی سردار نصر اللہ خان دریشک، صوبائی وزیر سردار محسن خان لغاری، ایم پی اے فاروق امان اللہ دریشک، سردار اویس دریشک، چودھری ظہیر الدین، سابق رکن اسمبلی مینا لغاری، دلدار چیمہ اتے علی بہادر دریشک شرکت کیتی۔ اجلاس نال الیندے وزیراعلیٰ پنجاب چودھری پرویزالٰہی آکھیے جو لوکاں دے وݙے مطالبے تے جام پور کوں ضلع ٻݨاوݨ دا فیصلہ کیتے جیڑھا پنجاب دا بہترین ضلع ہوسی، ضلع ٻݨݨ نال جام پور دے علاقیاں دی قسمت ڄاڳسی اتے لوکاں دے مسلے انہاں دی درسال تے ہی حل تھیسن اتے لوکاں کوں روزگار دے مواقع ملسن۔ انہاں آکھیا جو جام پور اچ یونیورسٹی ٻݨاوݨ ترجیح اے۔ اجلاس اچ ایڈیشنل چیف سیکرٹری داخلہ کیپٹن (ر) اسد اللہ خان، پرنسپل سیکرٹری وزیراعلیٰ محمد خان بھٹی، قائم مقام سینئر ممبر بورڈ آف ریونیو نوید شیرازی، ڈی سی راجن پور اتے متعلقہ حکام وی موجود ہن، کمشنر ڈیرہ غازی خان ڈویژن ویڈیو لنک تے شرکت کیتی۔

مضمون کا ماخذ : راکی

متعلقہ مضامین