وزیراعظم دے مشیربرائے خزانہ ومحصولات ڈاکٹرعبدالحفیظ شیخ دی زیرصدارت کابینہ دی اقتصادی رابطہ کمیٹی دا اجلاس، لاک ڈاون نال متاثرہ مزدوراں اتے ڈیہاڑی دار لوکاں کیتے 75 ارب روپے جاری کرنڑ دی منظوری

APP58-22 ISLAMABAD: April 22 - Adviser to the Prime Minister on Finance & Revenue Dr. Abdul Hafeez Shaikh chairing a meeting of the Economic Coordination Committee of the Cabinet (ECC). APP

اسلام آباد ۔ 22 اپریل (اے پی پی) کابینہ دی اقتصادی رابطہ کمیٹی (ای سی سی) لاک ڈاون نال متاثر تھیونڑ آلے مزدوراں اتے ڈیہاڑی دار لوکاں کیتے 75 ارب روپے جاری کرنڑ دی منظوری ڈے ڈتی۔ای سی سی دا اجلاس وزیر خزانہ عبدالحفیظ شیخ دی زیر صدارت تھئے۔اجلاس اچ گھٹ آمدن آلے طبقات کیتے 200 ارب روپے دے ریلیف پیکج اچوں لاک ڈاون دی صورتحال نال شدید متاثرتھیونڑ آلے مزدوراں و یومیہ اجرت تے کم کرنڑ آلے لوکاں کیتے 75 ارب روپے جاری کرنڑ دی منظوری ڈتی اے جیندے نال بئے 60لکھ خانداناں کوں مالی مدد ملسی۔اجلاس اچ بلوچستان حکومت دے 19 منصوبیاں کیتے 606 ملین اتے فرنٹئیرکوربلوچستان (نارتھ) کیتے 7 ملین روپے سودھا کئی ضمنی گرانٹس دی منظوری ڈتی گئی۔وزیراعظم ولوں گھٹ آمدن آلے لوکاں کیتے 200 ارب روپے دے ریلیف پیکج دے تحت 75 ارب روپے جاری کرنڑ دی منظوری اچ ”مزدوردااحساس پروگرام“نال لوکاں کوں 12 ہزارروپے ونڈیے ویسن اتے احساس کفالت پروگرام اچ پہلے توں ترائے کیٹگریز اچ بئی ہک کیٹگری ودھائی ویسی۔ایں پروگرام نال مزدوراں اتے محنت کشاں، لوڈرز، صفائی عملہ ، کنٹریکٹ ملازمین ، گلی محلیاں اچ ریڈھی لاونڑ آلے لوکاں، تعمیراتی کارکناں، پینٹرز، ویلڈرز، میکینکس، گھریلو ملازمین،ترکھان، و ڈرائیورکوں مالی مدد ڈتی ویسی۔اجلاس اچ وزارت سمندر پارپاکستانیزوترقی انسانی وسائل دی تجویزتے سال 2019-20 کیتے بجٹ تجاویز اتے ای اوبی آئی کیتے سال 2018-19دے نظرثانی شدہ بجٹ تخمینہ دی منظوری وی ڈتی گئی۔اجلاس اچ عوامی فلاح سانگے منصوبیاں کیتے فنڈز اتے تجاویز تے وی غور کیتا گیا۔

مضمون کا ماخذ : estratégias para lotomania

متعلقہ مضامین