پاکستان تے جمہوریہ چیک وچال ݙوپاسے تجارتی حجم 300 ملین ڈالرتوں ودھ ڳئے ، جمہوریہ چیک دے سفیردا اے پی پی کوں خصوصی انٹرویو

اسلام آباد۔14مئی(اے پی پی):پاکستان اچ جمہوریہ چیک دے سفیر تھوماس سمیتنکا آکھیے پاکستان اتے جمہوریہ چیک وچال ݙوطرفہ تجارتی حجم 300 ملین ڈالر توں ودھ ڳئے اتے ݙوہیں ملک کان کنی دی صںعت تے زراعت دے شعبے جیہے ٻہوں سارے شعبیں اچ تجارت ودھاوݨ تے توجہ ݙیندے پئن ، جمہوریہ چیک پاکستان نال آپݨے تاریخی رابطے کوں اہمیت ݙیندے ،جمہوریہ چیک کوں پاکستان دی برآمدات پاکستان کوں چیک کیتی ونڄݨ آلی برآمدات توں تقریباً چار گنا زیادہ ہن۔ ٹیکسٹائل، کھیݙاں دے لباس، کھاوݨ پیوݨ دیاں چیزاں چمڑے دی مصنوعات اچ پاکستانی برآمدات ٻہوں زیادہ ہن ۔ اے پی پی کوں خصوصی انٹرویو ݙیندے انہاں آکھیے بنیادی طور تے جی ایس پی پلس تجارتی طریقہ کار کوں متعارف کراوݨ دی وجہ توں اے ، جئیں یورپی یونین کوں پاکستان برآمدات دی اجازت ݙتی۔انہاں آکھیے تجارت تے سرمایہ کاری ودھاوݨ کیتے کجھ وفد پاکستان آندے پئن ۔ اوکان کنی دے شعبے اچ دلچسپی رکھیندن ، خاص طور تے بلوچستان اچ ، کیوں جو جمہوریہ چیک اچ کان کنی دی نسبتاً بہتر ٹیکنالوجیز تیار کیتیاں ڳئن ۔جی ایس پی پلس دی تجدید پاکستان دی حیثیت متعلق ھک سوال دے جواب اچ سفیرآکھیے اوں پاکستان نال ساݙے تعلقات کوں ݙوہیں طرح ودھارا ݙتے۔ انہاں آکھیے پاکستان 26 معاہدیں دی توثیق دی شرطاں پوریاں کیتن جیڑھی جی ایس پی پلس اسٹیٹس کیتے شرط ہن ۔ اے ایں سانڳے ایں ڳالھ تے منحصر اے جو یورپی پارلیمنٹ دے ارکان ایندی روشنی اچ کیا فیصلہ کریسن ۔ تعلیمی تعاون بارے ڳالھ کریندے ہوئیں انہاں آکھیے “ایں ویلھے چیک ریپبلک اچ ݙاہ سال پہلے دے مقابلے اچ ست گنا زیادہ پاکستانی طلباء موجود ہن۔ طلباء معروف یونیورسٹیاں اچ مختلف وظیفے تے تعلیم حاصل کریندے پن ۔ انہاں آکھیے چیک یونیورسٹیاں دے پاکستانی یونیورسٹیاں نال تعاون دے معاہدے ہن تے انہاں جمہوریہ چیک اتے پاکستانی یونیورسٹیاں وچال ادارہ جاتی شراکت داری تے زور ݙتا تاں جو سائنس و ٹیکنالوجی اتے اعلیٰ تعلیم اچ با صلاحیت، باصلاحیت اتے ہنر مند طلباء کوں بہتر نتائج حاصل کرݨ کیتے ڳولیا ونج سڳے ۔ تعاون اتے عوام نال عوام دے تعلقات۔ تریمتاں کوں بااختیار بݨاوݨ اچ چیک سفارت خانے دے کردار تے روشنی پیندے ہوئیں پاکستان اچ جمہوریہ چیک دے سفیر آکھیے ماضی اچ انہاں دے سفارتی مشن دیہاتی علاقیں اچ تریمتاں کوں بااختیار بݨاوݨ اچ کردار ادا کرݨ آلے کجھ منصوبیں دی حمایت کیتی۔ نیشنل کالج آف آرٹس ( این سی اے) لاہور دے تعاون توں جاری منصوبہ ساݙی تاریخ اتے ساݙے معاشریں اچ تریمتاں دے کردار کوں وی اجاگر کریندے ۔پاکستان اچ موسمیاتی بحراناں نال نبݨݨ اچ جمہوریہ چیک دے کردار بارے ھک سوال دے جواب اچ انہاں آکھیے انہاں دا ملک موسمیاتی تبدیلیاں کوں ٻہوں سنجیدگی نال گھندے تے اوں ‘گرین کلائمیٹ فنڈ’ اچ اپݨا حصہ ُاتے ۔ انہاں آکھیے چیک کمپنیاں پاݨی دے انتظام، ، مٹی دی حفاظت، اتے بحالی تے گندے پاݨی دے انتظام اچ مدد کرسڳدن ۔ چیک ریپبلک اچ پاکستانی شہریاں کیتے روزگار دے مواقع بارے انہاں آکھیے “اساں پاکستان توں ہنر مند، قابل، اتے سائنسی لوکاں کوں شامل کرݨ دے امکانات ڳولیندے پیوں ۔ویزا پالیسیت ڳالھ کریندے ہوئیں انہاں آکھیے چیک ریپبلک انہاں ملکاں اچ شامل کائنی جیڑھے پاکستان آمد تے ویزا حاصل کریندن ۔ انہاں امید ظاہر کیتی جو چیک شہریاں کوں آمد تے ویزا دی اجازت ݙیوݨ نال سیاحت تے ثقافت اچ ساݙے تعاون کوں ودھیسن ۔ انہاں آکھیے جو جمہوریہ چیک پاکستان نال آپݨے تاریخی رابطے کوں اہمیت ݙیندے تے کثیر جہتی تعاون توں لطف اندوز تھیندے ، انہاں مزید آکھیے جو ݙوہیں ملکاں آپݨے سیاسی، اقتصادی اتے دفاعی تعاون کوں نمایاں طور تے ودھائے۔

مضمون کا ماخذ : لکی لیڈیز چارم

متعلقہ مضامین