وزیر خارجہ جلیل عباس جیلانی دی بیلجیئم اچ تریڄھے انڈو پیسیفک وزارتی فورم اچ شرکت

برسلز۔2فروری(اے پی پی)وزیر خارجہ جلیل عباس جیلانی یورپی یونین دے اعلیٰ نمائندے برائے خارجہ امور اتے سکیورٹی پالیسی جوزف بوریل ایف دی دعوت تے بیلجیئم اچ تریڄھے انڈو پیسیفک وزارتی فورم اچ شرکت کیتی۔ وزیر خارجہ مشترکہ خوشحالی، اقتصادی استحکام اتے سرمایہ کاری سانڳے گول میز کانفرنس اچ وی شرکت کیتی۔ وزیر خارجہ اپݨے خطاب اچ عالمی شراکت داری دے مستقبل دے رستے دا خاکہ پیش کریندے تقسیم کرݨ آلی بلاک پالیٹکس اتے وݙی طاقت دے مقابلہ دے تصورات نال پرین ونڄݨ دی مشترکہ ذمہ داری تے زور ݙتے۔ انہاں آکھیا جو عالمی چیلنجاں نال نمٹݨ کیتے ودھ تعاون اتے کثیر الشعبہ بین الاقوامی شراکت داری دی لوڑھ اے۔ انہاں بین الاقوامی ڈیجیٹل تعاون دے مراکز دی ترقی، موسمیاتی تبدیلیاں نال نمٹݨ دے طریقہ کار اتے جنوبی ایشیا اچ سائوتھ- سائوتھ سہ رخی تعاون دی تجویز ݙتی۔

مضمون کا ماخذ : پاور بال کی پیشن گوئی

متعلقہ مضامین