چھل متاثرہ چھیکڑی ٹٻر دی بحالی تئیں آرام نال نا ٻاھسوں، وزیراعظم محمد شہباز شریف
APP26-280822
JAFFARABAD: August 28 - Prime Minister Muhammad Shehbaz Sharif visiting relief and medical camp for the relief and rehabilitation of flood victims in Village Haji Allah Dino. APP
اسلام آباد۔28اگست(اے پی پی)وزیراعظم محمد شہباز شریف آکھیے جو چھل متاثرہ چھیکڑی ٹٻر دی بحالی تئیں آرام نال نا ٻاھسوں، غلط اتے کوڑے الزام لا تے قوم کوں دھوکا نا ݙتا ونڄے، ہݨ صرف نعرے اتے تقریریاں نال کم نا چلسی، کم کر ݙکھاوݨا ہوسی، سیلاب نال پورے ملک اچ تباہی آئی اے پیوݨ دے صاف پاݨی، ریسکیو، کھاوݨ پیوݨ اتے شیلٹر دے انتظامات کریندے پئے ہیں۔ اے ڳآلھ انہاں بلوچستان دے سیلاب متاثرہ ضلع جعفر آباد دی وستی اللہ دینو اچ میڈیا نال الیندے آکھی۔ انہاں آکھیا جو خرم دستگیرکوں بلوچستان پڄ تے بجلی دی بحالی سانڳے اقدامات دی ہدایت کیتی اے، ترکیہ اتے یو اے ای توں امدادی سمان پڄݨ لڳ ڳئے جیندے کیتے دوست ملکآن دے مشکور ہیں، ایران وی امداد ٻھجیسی، پاکستان نال یکجہتی کڑم تے انہاں دوستاں دا شکر ڳزار ہاں جیڑھے ایں اوکھے ویلھے پاکستان دے نال ہین۔ انہاں آکھیا جو چھل پورے ملک اچ تباہی مچائی اے ٻھل سندھ اتے بلوچستان ودھ متاثر تھین، خیبر پختونخوا دے علاقے سوات، دیر، کالام اتے نوشہرہ و چارسدہ اچ وی سیلاب ودھدا پئے، اے تباہی 2010 ء دے سیلاب توں وݙی اے، ودھ پاݨی آوݨ نال ودھ مسلے آندے پن، سکھر توں بولچستان رستے کھولݨ دی ہدایت کیتی اے، اتحادی حکومت، پاک فوج اتے ٻعے ادارے ݙینھ متاثرین دی امداد اچ ردھے ہوئن۔
