ملکی ترقی سانگے ہر شعبے کوں آئی ٹی نال رلاوݨا پوسی ، صدر ڈاکٹرعارف علوی دا تقریب توں خطاب
APP20-300823
ISLAMABAD: August 30 - President Dr. Arif Alvi addressing the closing ceremony of Huawei ICT Competition 2022-23 at Aiwan-e-Sadr. APP/MAF/TZD
اسلام آباد۔30اگست(اے پی پی) صدر مملکت ڈاکٹر عارف علوی نینگراں کوں جدید ٹیکنالوجی دا ہنر ݙیوݨ دی لوڑھ تے زور ݙیندے ہوئیں آکھیے پاکستان دی معاشی ترقی ملک اچ انفارمیشن ٹیکنالوجی دی ترقی نال جڑی ہوئی اے ، پاکستان دنیا دی ݙوجھی ساریں توں وݙی فری لانس مارکیٹ بݨ چکیے ، مالیاتی لین دین کوں بہتر بݨاوݨ نال ملکی معیشت کوں ودھایا ونڄ سڳدے تے ایندے نتیجے اچ ملک دے جی ڈی پی اچ 2 توں 3 فیصد ودھارا تھی سڳدے، نینگراں کوں آئی ٹی دی تعلیم تے تکنیکی مہارت آلے پاسے گھن آوݨ دے نال نال طالبیں کوں مصنوعی ذہانت وی ݙیوݨی ہوسی ۔ اے ڳالھ انہاں ایوان صدر اچ ہواوے آئی سی ٹی مقابلیں 23 ۔2022 دی چھیکڑی تقریب توں خطاب کریندے ہوئیں آکھی اے ۔ تقریب اچ نگراں وفاقی وزیر انفارمیشن ٹیکنالوجی اتے سائنس و ٹیکنالوجی ڈاکٹر عمر سیف، ہواوے دے مڈل ایسٹ ریجن دے صدر وانگ شون لی، سفارتکاراں، ماہرین تعلیم اتے آئی ٹی دے شعبے نال جڑیاں شخصیات شرکت کیتی۔ صدر آکھیے یونیورسٹیاں کوں گریجویٹس دی تربیت تے انہاں کوں مارکیٹ دی لوڑھ دے مطابق تیار کرݨ سانڳے اپݨے کیمپسز اچ انہاں دی استعداد ودھاوݨ کیتے تربیتی کیمپاں دا اہتمام کرݨا چاہیدے ۔ انہاں یونیورسٹیاں تے زور ݙتے جو او طالبیں کیتے ݙو سالہ انڈرگریجویٹ ایسوسی ایٹ ڈگری پروگرام شروع کرن کیوں جو پوری دنیا اچ ودھدی ہوئی ٹیکنالوجی کوں ڈگریاں دی نی بلکہ مہارتاں دی طلب اے۔ ایندے توں پہلے صدر مملکت تقریب اچ ہواوے مقابلیں اچ چنڳی کاکردگی ݙکھاوݨ آلے پاکستانی طالبیں کوں شیلڈز ݙتیاں۔
