ایوان بالا وچ یوم دفاع دے حوالے نال قرارداد منظور، 1965ء دی جنگ دے دوران پاک فوج دی جرات تے بہادری اتے لازوال قربانیاں کوں خراج تحسین پیش

اسلام آباد ۔6ستمبر(اے پی پی) ایوان بالا یوم دفاع پاکستان دے حوالے نال قرارداد دی اتفاق رائے نال منظوری ڈتی ہے جیندے وچ 1965ء دی جنگ دے دوران پاک فوج دی جرات تے بہادری اتے لازوال قربانیاں اتے قوم دے اتحاد تے یکجہتی دے بے مثال جذبے کوں خراج تحسین پیش کیتاگیا۔ منگل کو ںایوان بالا دے اجلاس دے دوران قائد ایوان سینیٹر راجہ ظفر الحق ایہ قرارداد ایوان وچ پیش کیتی۔قراردادوچ آکھیا گیا جوا یہ ایوان ملک دے دفاع سانگے مسلح افواج دیاں قربانیاں اتے جرات کوں خراج تحسین پیش کرینداہے۔ ایں ڈینھ ہک بزدل دشمن پاکستان تے حملہ کیتا لیکن پوری قوم مہک مٹھ تھی تے دشمن دے عزائم کوں ناکام بنڑا ڈتا۔ قوم ولوں یکجہتی دا مظاہرہ بے مثال ہا اتے ا یہ اساڈی عوام دے بے مثال جذبے دی عکاسی کریندا ہے۔ ایندے وچ ا یہ سبق ہے جو متحد قوماں کوںکڈاہیں ہرایا نی ونج جا سگدا ۔ 1965ء دی جنگ دی اہم وجہ مسئلہ کشمیر ہا جتھاں کشمیری عوام ہنڑ وی اپنڑے حق خودارادیت سانگے جدوجہد جاری رکھے ہوئے ہن۔ قرارداد وچ مقبوضہ کشمیر وچ بھارتی فوج دے ظلم و ستم تے افسوس دا اظہار کریندے ہوئیں آکھیا گئے جوسینٹ آف پاکستان خطے وچ امن تے استحکام اتے سیکیورٹی سانگے افواج پاکستان دی حمایت جاری رکھیسی۔ قرارداد اتفاق رائے نال منظور کرگھدی گئی۔

مضمون کا ماخذ : estratégias para loteria

متعلقہ مضامین