اسلام آباد۔1جون (اے پی پی):وفاقی وزیرمنصوبہ بندی وترقی اصلاحات وخصوصی اقدامات احسن اقبال آکھیے جو ملک اچ جمہوریت کوں مستحکم کر تے معاشی خوشحالی دا حصول ممکن اے سیاسی استحکام دے ذریعے دنیا دے کئی ملکاں ترقی دیاں منازلاں طے کیتن ، سیاسی استحکام تے پالیسیاں دے تسلسل دے بغیر معاشی ترقی ممکن کائنی ، ملک اچ آئین دی حکمرانی اتے قانون دی بالادستی کوں یقینی بݨاوݨا اے ، اے ڳالھ انہاں راستہ کانفرنس توں خطاب کریندے ہوئیں آکھی اے ۔راستہ کانفرنس اچ نوجوان اپݨے ریسرچ پیپر پیش کریسن ۔وفاقی وزیر آکھیے جو پاکستان اڄوکے سال آپݨی 75 ویں سالگرہ منیندا پئے ،ݙیکھݨا ہوسی جو 1988 توں آئینی حکمرانی دے لحاظ نال ،جمہوری لحاظ نال ملک مضبوط تھئے ،کمزرو تھئے یا اتھائیں کھڑے ، انہاں آکھیے افریقہ تے ٻئی دنیا دے کئی ملک اساں توں اڳوں نکل ڳئن ،1960 اچ ساݙی برآمدات 200ملین ڈالر اتے اڄ 25 ارب ڈالر ہن جݙاں جو جنوبی کوریا دی برآمدات 100 ملین توں ودھ تے 500 توں 600ارب ڈالر تھی ڳئن ،سیاسی استحکام اتے پالیسیاں دے تسلسل دے بغیر معاشی ترقی ممکن کائںی ۔انہاں آکھیے جو پاکستان دے نینگراں کوں ایں ڳالھ تے متفق تھی ونڄݨا چاہیدے جو آئین دی بالادستی ضروری اے،پاکستان دا مسئلہ سیاسی نظام کائنی ، بلکہ مسئلہ آئین دی حرمت کوں تسلیم نہ کیتا ونڄݨ اے ۔
.jpg)
