پی ڈی ایم اے پنجاب اربن فلڈنگ دے ݙر پاروں الرٹ جاری کر ݙتا، ترجمان

لاہور۔26جون (اے پی پی):پی ڈی ایم اے پنجاب مینھ وسݨ پاروں ٻہوں سارے ضلعیں اچ اربن فلڈنگ دے ݙر پاروں الرٹ جاری کرݙتے ۔ترجمان موجب پنجاب اچ 26جون توں یکم جولائی تئیں مینھ دی پیشگوئی اے جیں دے نتیجے اچ راولپنڈی، لاہور، سیالکوٹ ،گوجرانوالا اتے نارووال اچ اربن فلڈنگ دا ݙر اے،اربن فلڈنگ نال نبݨݨ سانڳے متعلقہ انتظامیہ کوں الرٹ جاری کرݙتا ڳئے۔ ترجمان موجب پنجاب دے وکھو وکھ ضلعیں اچ شدید طوفان تے کجھ علاقیں اچ ژالہ باری تھی سڳدی اے لہذا شدید طوفان اچ سولرپلیٹاں دی حفاظت سانڳے ضروری اقدامات چاتے ونڄن۔سیلابی صورتحال آلے ضلعیں اچ انتظامیہ دریاواں اتے نالیں دے رستے کلیئر کرے ۔مینھ تے طغیانی اچ ندی نالوں کوں پار نہ کیتا ونڄے۔دریاواں تے نالیں اچ دھاوݨ تے پابندی دے قانون تے سختی نال عمل کیتا ونڄے ۔ ڈی جی پی ڈی ایم اے پنجاب علی عرفان آکھیے الرٹ دا مقصد تیاریاں مکمل کرݨ اے لہذا ادارے تے نکاسی آب دے ذمہ وار ادارے الرٹ رہن۔ انہاں آکھیے جو عوام حکومت اتے انتظامیہ دی ہدایات تے عمل کرن تے کہیں وی ہنگامی صورتحال اچ پی ڈی ایم اے دی ہیلپ لائن 1129 تے رابطہ کرن۔

مضمون کا ماخذ : آن لائن لاٹری ویب سائٹ

متعلقہ مضامین